PAGE TOP

लोकसेवा अनुभव : आफ्नो परीक्षा आफैँ लिन्थेँ

मैले सुर्खेतको विद्यापुर गाविसको सामुदायिक विद्यालयबाट एसएलसी दिएँ । स्कुल तहमा म सधैँ प्रथम हुन्थेँ । एसएलसीमा जिल्लाको उत्कृष्ट १० जनाभित्...

मैले सुर्खेतको विद्यापुर गाविसको सामुदायिक विद्यालयबाट एसएलसी दिएँ । स्कुल तहमा म सधैँ प्रथम हुन्थेँ । एसएलसीमा जिल्लाको उत्कृष्ट १० जनाभित्र परेँ । सार्वजनिक प्रशासनमा स्नाकोत्तर गरेँ । ०६७ सालमा मैले लोकसेवामा पहिलोपटक शाखा अधिकृतका लागि परीक्षा दिने मनस्थिति बनाएँ । त्यतिवेला मैले अध्यापन पेसा अँगालेको थिएँ । मैले लोकसेवा तयारी थालेँ ।


टीकाराम ढकाल
उपसचिव

स्कुलमा पढाउने हुँदा लोकसेवाका लागि धेरै समय दिन सकिनँ । करिब तीन महिनाको तयारीमा पहिलो प्रयासमा अधिकृत हुन सफल भएँ । मेरो ब्याचमा एक नम्बरमा नाम निस्किएको थियो । अफिसरमा सात वर्ष काम गरेपछि गत वर्ष खुला प्रतिस्पर्धाबाट उपसचिव पास गरेँ । उपसचिवका लागिचाहिँ करिब ४ महिना राम्रै तयारी गरेको हुँ । अहिलेसम्म मैले लोकसेवाको दुईवटा परीक्षा दिएँ ।
मेरो लोकसेवा तयारी शैली
लोकसेवा तयारी गर्दा मैले घोक्ने काम गर्दै गरिनँ । धेरै विद्याथी सूत्र बनाएर बुँदा, तथ्यांक कण्ठस्त नै पार्छन् । किताब कण्ठ पारेर लोकसेवामा उत्तीर्ण हुन निकै गाह्रो छ । सबैभन्दा पहिला जुन पदका लागि परीक्षा दिने तयारी गर्थें, त्यो पदका लागि लोकसेवाले सार्वजनिक गरेको पाठ्यक्रम अध्ययन गर्थें, बुझ्थँे । पाठ्यक्रम बुझेपछि बल्ल त्यसका आधारमा सन्दर्भ सामग्री संकलन गर्न थाल्थेँ । एउटै विषयवस्तुसँग सम्बन्धित दुई वा त्योभन्दा बढी सन्दर्भ सामग्री संकलन गर्थें ।
सन्दर्भ सामग्रीको संकलनपछि हरेक पाठ्यक्रमअनुसार विषयवस्तु अध्ययन गर्दै नोट बनाउँथेँ । सन्दर्भ सामग्री एकपटक पढ्दा नोट बनाउने र त्यसपछि नोट मात्र पढ्थेँ । यसैगरी पाठ्यक्रमसँग सम्बन्धित विषयमा विज्ञको टेलिभिजन अन्तर्वार्ता, साथीहरूसँगको कुराकानी, पत्रपत्रिकाका लेखञ्रचनालाई पनि नोट गर्थें । त्यस्ता नोट पढ्दै सँगै अर्को संक्षिप्त नोट बनाउँथे । यसरी विषयवस्तु गहिरिएर पढ्ने र मुख्य कुराको नोट गर्दै जान्थेँ । त्यही नोट पढेर तयारी गर्थें ।
घरमै लोकसेवा परीक्षा
किताब पढ्दै नोट बनाउने र नोटलाई पनि फेरि पढ्दै अर्को संक्षिप्त नोट बनाउँदा परीक्षाको तयारी पनि धेरै नै भइसकेको हुन्थ्यो । म लोकसेवाका विगतका प्रश्नपत्र र नमूना प्रश्नपत्रमाथि तीन घन्टाको समय अनुशासन पालना गरेर हल गर्ने गर्थें । घरमै लोकसेवाको परीक्षा दिँदा परीक्षा हलमै भएको महसुस गरी अनुशासित भएर लेख्ने गर्थें । हरेक प्रश्न हल गर्दा समयमा ध्यान दिन्थेँ । तीन घन्टाभित्र हल गर्नुपर्ने कुनै पनि प्रश्न नछोडी लेख्थे । जति लेखिन्थ्यो, नोट र अन्य सन्दर्भ सामग्रीको आधारमा आफैँ जाँच्थेँ र अंक दिन्थेँ । त्यसो गर्दा हरेकपटक अघिल्लोपटकको अभ्यासमा देखिएको कमजोरी सच्याउँथे । यस्तो अभ्यासले मलाई समयको अनुशासनभित्र बसेर प्रश्नको हल गर्न सहयोग ग¥यो । परीक्षा हलमा छिर्दा कुनै समस्या भएन ।
लोकसेवा तयारी कक्षा
मैले एकपटक अफिसरका लागि र दोस्रोपटक उपसचिवका लागि लोकसेवा परीक्षा दिएँ । दुवैमा पहिलो प्रयासमै सफल भएँ । अफिसरको परीक्षामा त्यो ब्याचको एक नम्बरमा नाम निकालेको हुँ । उपसचिवमा भने अघिल्लो वर्ष खुल्ला प्रतिस्पर्धामा पास भएँ । मैले दुवै परीक्षा दिँदा लोकसेवा तयारी कक्षा लिएको छैन ।
सामान्य ज्ञानको तयारी गर्दा
म स्कुल समयदेखि नै हाजिरीजवाफ प्रतियोगितामा भाग लिइरहन्थेँ । त्यसकारण मसँग सामान्य ज्ञानसम्बन्धी आइडिया थियो । अन्य समयमा पढेका तथ्यांक पनि स्मरण गर्थें । त्यसो हुँदा थोरै मिहिनेतबाटै सामान्य ज्ञानको तयारी पूरा गरेँ । तथ्यांकलाई एक–अर्को विषय र सन्दर्भसँग तुलनात्मक रूपमा अध्ययन गर्दा सजिलो हुन्थ्यो ।
परीक्षा हलमा प्रवेश गरेपछि
धेरै विद्यार्थी राम्रो तयारी गरेर पनि परीक्षा हलभित्र गर्ने कमजोरीले सफल हुन सक्दैनन् । मभन्दा धेरै राम्रो ज्ञान भएका साथी पनि तीन घन्टाको समय व्यवस्थापन गर्न नसक्दा लोकसेवामा सफल हुन सकिरहेका छैनन् । उहाँहरूसँग धेरै ज्ञान छ, अनुभव छ, तर पास हुन सकिरहनुभएको छैन । कुनै प्रश्नमा आवश्यकभन्दा धेरै लेख्ने र समय कम हुँदै गएपछि आवश्यक कुरा पनि लेख्न नभ्याउने धेरै विद्यार्थीको समस्या हो ।
घरमै नमुना परीक्षा दिने गरेकाले मलाईचाहिँ समस्या भएन । पहिलोपटक लोकसेवा परीक्षा हलमा प्रवेश गर्दा पनि डर र तनाव भएन । तयारी गर्दा नै लोकसेवाकै आकारको कपी किनेर तीन घन्टाको समयभित्र कैयौँपटक नमुनाप्रश्न हल गरेको थिएँ ।
त्यसकारण समय कसरी व्यवस्थापन गर्ने र कसरी लेख्ने भन्ने कुरामा अप्ठ्यारो भएन । कुन प्रश्नलाई कति मिनेटमा सक्नुपर्छ भन्ने पनि ज्ञान हुन्थ्यो ।

COMMENTS

BLOGGER
contact for perofessional web development
Name

Administration,4,CSIT,2,Culture,3,Current Affair,20,Fiction,3,Formula,3,Freelance,10,Gorkhaptra,2,IQ,1,Local Level,19,Loksewa,10,Memory,2,More,2,Motivation,13,Newspaper Cuttings,3,Objective,71,Officer,1,Policy,5,Science,4,Social,3,Subjective,79,Tips,19,Travel,3,Video Class,9,
ltr
item
Chakra's Blog: लोकसेवा अनुभव : आफ्नो परीक्षा आफैँ लिन्थेँ
लोकसेवा अनुभव : आफ्नो परीक्षा आफैँ लिन्थेँ
https://1.bp.blogspot.com/-fBDbg28q_3s/WwNzIO3iMlI/AAAAAAAAG5U/2vuTs_gh1D4fjmcYuSb0xRGIb6XG-Q79QCPcBGAYYCw/s320/download.png
https://1.bp.blogspot.com/-fBDbg28q_3s/WwNzIO3iMlI/AAAAAAAAG5U/2vuTs_gh1D4fjmcYuSb0xRGIb6XG-Q79QCPcBGAYYCw/s72-c/download.png
Chakra's Blog
https://www.chakrapanibhandari.com.np/2018/11/blog-post_47.html
https://www.chakrapanibhandari.com.np/
https://www.chakrapanibhandari.com.np/
https://www.chakrapanibhandari.com.np/2018/11/blog-post_47.html
true
7911877034631758713
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy