टिप्पणी र आदेश (केहि नमुना मामला)

 ८. खानेपानी तथा सरसफाइ विभागमा रहेको बा.१ झ. ५५५ नं को जिप विग्रेर नचल्ने भई काममा बाधा परेको । सो सवारी साधन मर्मत गर्नको लागि रू १,५०,००० को लागत अनुमान प्राप्त भएको र सम्बन्धित शीर्षकमा रु. ५०,०००।- मात्र बजेट बाँकी रहेकोले नपुग हुने रकम रु १,००,०००।- सम्बन्धित शीर्षकमा थप निकासा पाऊँ भनी विभागको पत्र संख्या २०८२।८३ च.नं. १३५ मिति २०८२।९।१५ को पत्र खानेपानी मन्त्रालयमा प्राप्त भएको छ । उक्त पत्र बमोजिम थप रकम निकासाको विषयमा टिप्पणीको मस्यौदा तयार गर्नुहोस ।

 

९. चालु आर्थिक वर्ष २०८२/८३ मा ६ लाख मेट्रिक टन रासायनिक मल खरिद गर्ने लक्ष्य सहित कृषि सामाग्री कम्पनीलाई रु. २८ अर्ब ८२ करोड १४ लाख रुपियाँ अनुदानको रुपमा विनियोजन भएको र सो रकमबाट ४ लाख ७१ हजार मेट्रिक टन मल खरिद गर्ने टेन्डर भइसकेको छ। अन्तर्राष्ट्रिय बजारमा मूल्य बढ्दा लक्ष्य अनुसार मल खरिद गर्न नसकिने अवस्था देखिएकोले थप रु १० अर्ब बजेट व्यवस्थाको लागि कम्पनीबाट अनुरोध भए अनुसार कृषि तथा पशु पंक्षी विकास मन्त्रालयले अर्थ मन्त्रालयमा बजेट निकासाको लागि अनुरोध गरेको थियो। निर्वाचनका बेला थप बजेट उपलब्ध गराउन नसकिने भएकोले आन्तरिक स्रोतबाट बजेट व्यवस्थापन गर्नु भनी अर्थ मन्त्रालयले भनेपछि यस वर्षको लागि कम्तिमा पनि ५ लाख ५० हजार मेट्रिक टन मल खरिद गर्नु नै पर्ने र सोको लागि थप रु. ५ अर्व ५० करोड लाग्ने अनुमान गरेर कृषि तथा पशु पंक्षी विकास मन्त्रालयले आन्तरिक स्रोतबाट व्यवस्थापन गर्ने विषयमा गृहकार्य थालेको छ । वैकल्पिक स्रोत व्यवस्थापन गर्ने सम्बन्धमा सो मन्त्रालयको योजना महाशाखाबाट उठाउने टिप्पणीको मस्यौदा तयार गर्नुहोस ।

१०.आ. व. २०८२।८३ को बजेट व्यवस्था अनुसार जनकपुरधाम उप-महानगरपलिमा युवा वर्ग लक्षित उद्यमशिलता विकास कार्यक्रम अन्तर्गत रु. ३० लाखको वजेट व्यवस्था गरिएको छ । सो कार्यक्रम कार्यान्वयन गर्न उद्यमशिलता विकासको क्षेत्रमा काम गर्ने उद्देश्यले दर्ता भएका संस्थाहरुबाट कार्ययोजना सहित प्रस्ताव आह्वान गर्ने विषयमा निर्णय गर्न प्रशासन शाखाले उठान गर्ने टिप्पणी पेश गर्नु होस् ।

११. सूचना तथा प्रसारण विभागको स्वीकृत वार्षिक कार्यक्रम अनुसार ९० थान High Speed Desktop Computer खरिद गर्नुपर्ने भएको छ । सो प्रयोजनको लागि १ करोड बजेट विनियोजन भएको छ । विभागलाई आवश्यक पर्ने उक्त ९० थान High Speed Desktop Computer को Technical Specification (TS) र Cost Estimation स्वीकृत गराई बोलपत्र आह्वानको सूचना प्रकाशन गर्ने निर्णय सम्बन्धमा टिप्पणी मस्यौदा तयार गर्नुहोस ।

१२. नेपाल सरकारको नीति तथा कार्यक्रम अनुसार स्वास्थ्य तथा जनसंख्या मन्त्रालय अन्तर्गत भुगोल र जनसंख्याको आधारमा हरेक स्थानीय तहमा ५ देखि १५ शैय्यासम्मको आधारभूत अस्पताल स्थापना तथा स्तरोन्नती भैरहेको छ । अस्पताल भवन निर्माण एंव स्तरोन्नतीको कार्य सम्बन्धित स्थानीय तहबाट गर्ने गरी मन्त्रालयबाट रु २ करोड अनुदान उपलब्ध भएको थियो । स्थानीय तहबाट निर्माणाधिन आधारभूत अस्पतालहरुको खरिद सम्झौता भन्दा अतिरिक्त दायित्व (भेरिएसन, मूल्य समायोजन, पुरस्कार, लागत भन्दा बढि भएको सम्झौता रकम लगायत) सिर्जना भएमा सम्बन्धित स्थानीय तहलेनै बहन गर्नुपर्ने भनी मन्त्रालयले निर्णय गरेको छ । चरणडाँडा गाउँपालिका (काल्पनिक नाम) मा निर्माणाधिन १५ शैय्याको आधारभूत अस्पताल भवनको अनुमानित लागत मू. अ कर सहित रु. १ करोड ९५ लाख रहेको छ । कार्य सम्पन्न हुनुपर्ने उक्त निर्माण कार्यको सम्झौता गर्दाको समयमा भन्दा डिजाइनमा सामान्य परिवर्तन र केही आइटमहरू थप भएको कारणले निर्माण कार्यको लागत रु १४ लाख बढन गएको छ । उक्त भेरिएसन स्वीकृत सम्बन्धि निर्णय गर्न उक्त गाउँ पालिकाको योजना, खरिद तथा अनुगमन शाखाबाट उठान हुने टिप्पणी पेश गर्नु होस् ।

१३. मुद्रण विभागको वार्षिक कार्यक्रम अनुसार फोटोग्राफी मेशिन तथा त्यसका पार्टसहरू खरिद गर्नुपर्ने भएको छ । सो शिर्षकमा रु. १५ लाखको वजेट विनियोजन भएको छ । प्रचलित खरिद कानून बमोजिम लागत अनुमान तयार गर्दा उक्त सामानको अनुमानित लागत रु. १७लाख हुने देखिन्छ । सो सम्बन्धमा आवश्यक बजेट व्यवस्थाका लागि खरिद इकाइबाट राय मगिको पत्र प्राप्त भएको छ। विभागको आर्थिक प्रशासनमा कार्यरत लेखा अधिकृतको रुपमा बजेट उपलब्धता सम्बन्धमा आवश्यक राय पेश गर्न टिप्पणीको खाका तयार गर्नुहोस् ।