फेरिदै “भैलीको शैली”

पछिल्लो समय क्लब, विद्यालय, आमासमुह जस्ता सामाजिक संघसंस्थाले सामुहिक देउसी भैलो खेलेर सामाजिक पैसा संकलन गर्ने परम्परा स्थापित गराएका छन् । घरघरमा गएर देउसी भैलो खेल्ने पुरानो शैलीलाई केहि परिमार्जन गर्दै सत्यवती ७ चिदिपानीको बिसौनी युवा क्लबले एउटा नयाँ शैली भित्र्याएको छ ।

कुनै साँस्कृतिक कार्यक्रमको जस्तो झल्को दिने गरि सत्यवती ६ ढावको सिङ्गो गाउँलाई श्री सर्वेश्वर प्राविको प्राङ्गणमा भेला गराइ सामुहिक देउसीभैलो कार्यक्रम गरेको हो । एउटा घरबाट अर्कोमा साउण्डसिस्टम र अन्य सामाग्री सहित पुग्दा कम्तीमा पनि १५ देखि २० मिनेट खर्च हुने र त्यो अतिरिक्त समयमा अन्य प्रस्तुतिहरु देखाउन सकिने हुँदा आफूहरुले एउटै ठाउँमा देउसीभैलो खेल्ने प्रस्ताव राखेको क्लबका कोषाध्यक्ष बिक्रम हमालको भनाइ थियो ।

ढाव गाउँले देखाएको सद्भाव प्रति आफूहरु अत्यन्तै खुसी भएको क्लबका अर्का सदस्य तथा देउसीभैलो कार्यक्रमका उद्घोषक डोलबहादुर शाहीले बताउनुभयो । बिसौनी युवा क्लबका संस्थापक अध्यक्ष तथा सत्यवती गाउँपालिका वडा नम्बर ७ का वडाध्यक्ष श्री लोक बहादुर बुढाथोकीको अध्यक्षतामा भएको देउसीभैलो कार्यक्रममा कलाकारहरुले लोकशैलीका मारुनी, सोरठी, पन्चेबाजा लगायतका गीतहरुमा आफ्ना मौलिक प्रस्तुति देखाएका थिए।

कार्यक्रममा बिशेष समय लिदै शिक्षक श्री देवकीनन्दन भण्डारीले क्लबले गरेका समाजिक कामहरूको बारेमा प्रकाश पार्दै क्लबलाई ढुक्क भएर सहयोग गर्न गाउँबासीलाई आह्वान गर्नुभएको थियो । यसरी संकलित पैसाले विगतमा पनि विभिन्न उदाहरणीय कामहरू गरेको र यसपालिको पनि सम्पुर्ण पैसा सामाजिक काममा नै खर्च हुने क्लबको प्रतिबद्धता छ ।

२०६३ सालमा स्थापित क्लब जिल्लामा नै एउटा उदाहरणीय क्लबको आफ्नो पहिचान स्थापित गरेको छ । बिसौनी युवा क्लबको सक्रियतामा चिदिपानी गाउँमा विभिन्न समाजिक कामहरू तथा बिकास निर्माणका कामहरू हुँदै आइरहेका छन् ।
२०७४ को तिहारमा सेरोफेरोन्युजमा प्रकाशित चक्र ज्वाला,सत्यवती ६ गुल्मी
Previous
Next Post »

Any questions or comments? Drop below. Please keep in mind that it must be a meaningful conversation relevant to the topic. ConversionConversion EmoticonEmoticon